Dáleiðslunám fyrir háskólamenntað heilbrigðisstarfsfólk

Birt í 26/07/2026 af Hannes

Faglegt grunnnám með öflugri handleiðslu og stuðningi

Dáleiðslufélag Íslands (DÍ) og Breytt Hugsun bjóða upp á dáleiðslunám fyrir háskólamenntað heilbrigðisstarfsfólk með starfsleyfi frá embætti landlæknis sem vill auka faglega færni sína og bæta við sig öflugum verkfærum til að styðja við skjólstæðinga sína.
Kennt er helgarnar 11-13 september og 2-4 október. Námið er byggt upp þannig að þátttakendur öðlast bæði þekkingu, hæfni og sjálfstraust í að beita dáleiðslu á sínu starfssviði. Mikil áhersla er lögð á fagmennsku, siðfræði, öryggi, hagnýta þjálfun og eftirfylgd. Þátttakendur fá ekki aðeins kennslu, heldur öðlast einnig faglegt bakland og stuðning langt umfram sjálfa kennsluna. Námskeiðið kostar 500.000 kr., en skráning og nánari upplýsingar í netfanginu skraning@dfi.is

Það sem gerir námið einstakt

Tveir mjög reyndir kennarar leiða námið ásamt reyndu og vel þjálfuðu aðstoðarfólki sem tryggir nána leiðsögn og stuðning.
Nemendur eru aldrei skildir eftir einir með verkefni eða æfingar. Kennarar og aðstoðarfólk eru stöðugt til staðar til að veita handleiðslu, endurgjöf og stuðning í gegnum allt námsferlið.
Traust og öruggt námsumhverfi þar sem þátttakendur fá tækifæri til að þróa færni sína áfram undir faglegri leiðsögn.
Stuðningur og eftirfylgd í heilt ár eftir námskeiðið

Námskeiðið telur sem 60 stunda viðurkennt nám hjá Dáleiðslufélagi Íslands.
Kennt er helgarnar 11 -13 september og aftur 2 -4 október

  • Föstudagur kennsla frá 17 til 22
  • Laugardagur kennsla frá 9 til 18
  • Sunnudagur kennsla frá 9 til 18

Áframhaldandi stuðningur í heilt ár að námi loknu

  • Aðgengi að kennurum
  • Fagleg handleiðsla
  • Stuðningur við innleiðingu aðferðanna í klínísku starfi

Skráning og kostnaður.
Námskeiðið kostar 500.000 kr.
Skráning og nánari upplýsingar í netfanginu skraning@dfi.is

Fyrir hverja?
Námið er ætlað háskólamenntuðu heilbrigðisstarfsfólki með starfsleyfi frá embætti landlæknis, svo sem: Sálfræðingum, Læknum, Hjúkrunarfræðingum, Sjúkraþjálfurum, Iðjuþjálfum, Ljósmæðrum, Félagsráðgjöfum, og öðru háskólamenntuðu heilbrigðisstarfsfólki með viðurkenningu frá landlæknisembættinu.

Meira en námskeið – faglegt samfélag
Að námi loknu tekur við heilt ár af stuðningi og handleiðslu. Þátttakendur fá þannig tækifæri til að þróa færni sína áfram með aðgengi að kennurum og faglegu samfélagi sem styður við vöxt, öryggi og fagmennsku.

Birt í Fréttir, Námskeið | Slökkt á athugasemdum við Dáleiðslunám fyrir háskólamenntað heilbrigðisstarfsfólk

Ráðstefnan tókst vel

Birt í 28/06/2026 af Hannes

Mikil ánægja var með afmælisráðstefnu félagsins sem haldin var 29 maí. Upptökur af fyrirlestrum ráðstefnunnar eru nú aðgengilegar fyrir ráðstefnugesti. Aðrir aðilar geta keypt aðgang að allri ráðstefnunni eða hluta hennar.

Birt í Fréttir, Ráðstefnur | Slökkt á athugasemdum við Ráðstefnan tókst vel

Vinnustofa með Bart Walsh 31 maí

Birt í 25/05/2026 af Hannes

Bart Walsh verður með vinnustofu í sal Lífspekifélagsins sunnudag 31 maí frá klukkan 9.00 til 12.00. Hann var með tveggja daga vinnustofu áður hjá okkur og það var mjög mikil ánægja með hana. Verði er mjög stillt í hóf og er aðeins 10.000 kr.

Salurinn er HÉR.

Skráning er með rafpósti til conf26@dfi.is

Bart Walsh: Functional Systemic Negotiation

Navigate desirable change with a fluid approach to questioning the body-unconscious with ideomotor signaling. Functional systemic negotiation is broadly applied to solicit remediation, secure diagnostic information, monitor progress, and manage acute or chronic problem states. This process may encompass genomics, ego state therapy, structural, and strategic therapies.

Birt í Uncategorized | Slökkt á athugasemdum við Vinnustofa með Bart Walsh 31 maí

Kynningarmyndbönd

Birt í 12/05/2026 af Hannes

Kynningarmyndbönd:

Stutt kynning

Lengri kynning

Löng kynning

Birt í Uncategorized | Slökkt á athugasemdum við Kynningarmyndbönd

Kynningarmyndband

Birt í 23/04/2026 af Hannes

Opnum dyr – ítarlegt kynningarmyndband

Birt í Uncategorized | Slökkt á athugasemdum við Kynningarmyndband

Ráðstefnan 29. maí

Birt í 01/04/2026 af Hannes

Það styttist í ráðstefnuna. Enn eru nokkur laus sæti.

Sjá nánar hér: Conference 2026 | Dáleiðslufélag Íslands

Skráning í netfanginu conf26@dfi.is

Birt í Fréttir, Fyrirlestrar, Ráðstefnur | Slökkt á athugasemdum við Ráðstefnan 29. maí

Nýtt merki félagsins

Birt í 01/04/2026 af Hannes

Dáleiðslufélag Íslands er komið með nýtt merki. Hönnuður var Þuríður Elvu Hannesdóttir.

Nýtt merki Dáleiðslufélags Íslands er þjóðlegt og er að sumu leyti sprottið úr samræðum við félaga okkar í erlendu félögunum ASCH, ISH og ESH.  Mörg þeirra spyrja fyrst um eldfjöllin okkar  og merkið tengir mjög við þá mynd. Fánalitirnir undirstrika svo hver við erum og hvar við erum.

Í merkinu má glöggt sjá stórt „Í“ en svo er þríhyrningurinn utan um það auðvitað stórt „D“ á grísku, þannig að DÍ er innifalið í merkinu, textinn undir merkinu skýrir þá merkingun enn frekar.

Birt í Fréttir | Slökkt á athugasemdum við Nýtt merki félagsins

Aðalfundur – fundargerð

Birt í 07/03/2026 af Hannes

Fimmtudaginn 26. febrúar 2026 var aðalfundur Dáleiðslufélags Íslands haldinn  í sal Sálfræðistofunnar Höfðabakka að Höfðabakka 9. Fundin sátu sex manns.

Fundur hófst kl. 17.10 með áhugaverðu erindi sem Ingibjörg Bernhöft nefndi „vöruhús tilfinninga“ og lauk því um 17.45.

Þá var gengið til formlegrar dagskrár.

Formaður setti fundinn og stakk upp á Lilju Jónasdóttur sem fundarstjóra. Það var samþykkt.

Formaður flutti skýrslu stjórnar. Fram kom að starfið hefði verið nokkuð óformlegt þar eð bæði formaður og eini stjórnamaðurinn starfa á sömu sálfæðistofu. Því hefðu þau oft haldið stutta fundi og haft samráð um málefni félagsins líkt og þurfti hverju sinni. Það hefði komið í stað þess að halda formlega reglulega fundi. Mestur tími hefði farið í að skipuleggja afmælisráðstefnuna sem fram undan er 29. maí næstkomandi. Formaður kynnti hana og benti á að allar þær upplýsingar sem nú er að finna á heimasíðunni. Fyrirlesarar eru 12 og skráðir gestir nú þegar rúmlega 30.

Conference 2026 | Dáleiðslufélag Íslands

Formaður kynnti endurskoðaða reikninga félagsins sem stjórnin hafði samþykkt. Lítils háttar halli var á rekstrinum. Félagið hafði hagnast nokkuð á námskeiðshaldi en aðrar tekjur voru félagsgjöld og vaxtatekjur. 56 árgjöld skiluðu sér af 60 sem voru rukkuð. Reikningurinn var samþykktur. Um tvær milljónir eru í sjóði.

Árgjald verði óbreytt 4.000 kr.

Engar lagabreytingar lágu fyrir.

Félagið leiti nýrri skoðunarmanna reikninga. Lilja gaf kost á sér í eitt ár enn.

Formaður og gjaldkeri gáfu kost á sér áfram í sitt síðasta tveggja ára tímabil. Tveir nýir aðilar gáfu kost á sér í stjórn, Ingibjörg Bernhöft og Ragnheiður Jonna Sverrisdóttir og var þeim vel fagnað. Þær eru kosnar til tveggja ára.

Engin önnur mál lágu fyrir, en get má þess að Lilja færði fundarmönnum að gjöf nokkrar af dáleiðslubókum sínum.

Almenn ánægja var með fundinn og mikið fagnaðarefni er að stjórnin er nú nálægt því að vera fullskipuð.

Fundi var slitið um 18.30.

Hannes Björnsson ritaði fundargerð sem var send fundarmönnum og samþykkt.

Birt í Fréttir, Fundir | Slökkt á athugasemdum við Aðalfundur – fundargerð

Aðalfundur 26 febrúar kl 17.00 – Vöruhús tilfinninga

Birt í 22/02/2026 af Hannes

Aðalfundur Dáleiðslufélags Íslands er næstkomandi fimmtudag, 26. febrúar kl. 17.00
að Sálfræðistofunni Höfðabakka. Sjá hér: Um okkur – Sálfræðistofan Höfðabakka

Á dagskrá eru hefðbundin aðalfundarstörf, en fyrir fundinn verður Ingibjörg Bernhöft með mjög áhugavert erindi. Engar lagabreytingar liggja fyrir en kosið verður til stjórnar. Aðgangur er ókeypis og allir áhugasamir velkomnir. Vinsamlegast tilkynnið þátttöku svo við getum áætlað veitingar.

—-

Í fyrirlestrinum fer Ingibjörg Bernhöft yfir hvernig vinna má með styrkleika fólks á markvissan og uppbyggilegan hátt, og hvernig það getur aukið seiglu, þrautseigju og skilning á eigin innra landslagi í daglegu lífi.

Erindið byggir meðal annars á hugmyndinni um „vöruhús tilfinninga“, þar sem skoðað er hvernig tilfinningar, minningar, viðhorf og styrkleikar geymast, hvernig þeir móta viðbrögð okkar og hvernig má vinna með þá á meðvitaðri og sjálfstyrkjandi hátt.

Ingibjörg fjallar um hvernig við getum hjálpað fólki að virkja og nota þá styrkleika sem það býr þegar yfir, og styðst þar við þekkingu og verkfæri úr VIA‑styrkleikalíkaninu. Rannsóknir í jákvæðri sálfræði benda til að 70–80% fólks þekki ekki eigin styrkleika, og jafnvel þeir sem kunna nöfn þeirra geta lent í því að ofnota einn styrkleika, sem gerir hann að veikleika.

Í fyrirlestrinum verður farið í hvernig birtingarmyndir þessara mynstra verða til, hvernig „vöruhús tilfinninga“ hjálpar til við að skoða þetta á skýran og mildan hátt, og hvernig má blanda saman jákvæðri sálfræði og dáleiðslu til að hjálpa fólki að:

  • öðlast skýrari innsýn í eigin innri kerfi,
  • virkja styrkleika á réttum tíma,
  • og móta skýra og lifandi mynd af eigin framtíð og bestu leiðinni þangað.

—-

Það er mikið ánægjuefni að tveir félagar ætla að ganga inn í stjórn og það er pláss fyrir fleiri sem brenna fyrir framgangi félagsins. Ég hef nú gengt formennsku í tvö tveggja ára tímabil og er fús til að ljúka því þriðja ef áhugi er fyrir því. Eftir það mega aðrir taka við.

Í ár verður félagið okkar 25 ára, en auðvitað nær saga okkar lengra aftur. Það gengur vel með afmælisráðstefnuna sem verður í Norræna húsinu 29. maí næstkomandi. Það hefur fjölgað ögn í hópi fyrirlesara sem eru nú tólf talsins og rúmlega 30 gestir eru skráðir nú þegar. Meiri hluti þeirra er erlendis frá. Mörg þeirra eru mjög reynslumikil á sínu sviði og með mjög áhugaverð sérsvið í dáleiðslu. Ætla má að ráðstefnan verði upp bókuð sem og hátíðarkvöldverðurinn sem verður á Hotel Holti.

Sjá hér: Conference 2026 | Dáleiðslufélag Íslands

Birt í Fréttir, Fundir, Fyrirlestrar | Slökkt á athugasemdum við Aðalfundur 26 febrúar kl 17.00 – Vöruhús tilfinninga

Afmælisráðstefna 29. maí

Birt í 27/12/2025 af Hannes

Opnum dyr (Opening doors) er heitið á veglegri afmælisráðstefnu Dáleiðslufélags Íslands sem er haldin í tilefni þess að félagið verður 25 ára í lok maí 2026.

Fyrirlesarar frá öllum Norðurlöndum og mun víðar að hafa boðað komu sína. Þeir bjóða flest jafnframt vinnustofur eftir ráðstefnuna.

Aðalfyrirlesari hátíðarinnar verður Ólafur Pálsson prófessor emerítus við læknadeild Chapel Hill háskólans í Norður Karólínu fylki, en hann er nýfluttur heim til Íslands eftir margra áratuga starf ytra. Nánari upplýsingar um hann er að finna á upplýsingasíðu ráðstefnunnar sem er aftast á heimasíðu félagsins. Það er mikill fengur fyrir félagið að fá hann til að kynna sitt mikla starf um mikilvægi dáleiðslu í meðferð.

Aðrir fyrirlesarar eru einnig vel þekktir í heimi dáleiðslunnar. Þess hefur verið gætt að velja aðila sem fjalla um mjög vítt svið dáleiðslu og eru fyrirlestrarnir bæði upplýsandi, fróðlegir og mjög svo hagnýtir. Þessi ráðstefna veitir góða innsýn í hagnýtt gildi dáleiðslu í meðferð en er einnig mjög hagnýt fyrir þá aðila sem þegar hafa grunnþekkingu í notkun dáleiðslu.

Ráðstefnuvettvangurinn er Norræna húsið og pláss því takmarkað. Alþjóðlegar auglýsingar fara af stað í janúar og við gerum ráð fyrir að ráðstefnan verði upp bókuð. Verð fyrir íslenska þátttakendur er 35 þúsund krónur og skráning fer fram á netfanginu ritari@dfi.is

Þetta er einstakt tækifæri til að kynnast dáleiðslu í heilbrigðisvísindum. Allir aðilar sem gætu orðið gjaldgengir í Dáleiðslufélag Íslands eru hvattir til að mæta. Sömuleiðis og eftir atvikum aðrir aðilar sem gætu haft gagn af þeirri innsýn sem þessi fræði veita.

Allar nánari upplýsingar eru á aftasta flipa heimasíðu félagsins, sem er hér:
Conference 2026 | Dáleiðslufélag Íslands

Birt í Fréttir, Fundir, Fyrirlestrar, Námskeið, Ráðstefnur | Slökkt á athugasemdum við Afmælisráðstefna 29. maí